बिहिवार, कार्तिक २० गते २०८३
बिहिवार, कार्तिक २० गते २०८३
आइतवार , जेठ २३, २०७८
काठमाडौं, जेठ । नेपालमा कोरोना भाइरसका तीन हजार २४ सङ्क्रमित थपिएका छन् । पछिल्लो चौबीस घण्टामा दश हजार ४७१ नमूनाको आरटीपीसीआर परीक्षण गरिएको छ ।
स्वास्थ्य तथा जनसंख्या मन्त्रालयले कोभिड १९ सम्बन्धी बिवरण सार्बजनिक गर्न आयोजना गरेको प्रेस ब्रिफिङमा थपिएका सङ्क्रमितसँगै नेपालमा कोरोनाका कुल सङ्क्रमित छ लाख नाघेको छ ।
पछिल्लो १५ दिनमा मात्रै एक लाख सङ्क्रमित थपिएका छन् । मन्त्रालयका प्रवक्ता डा. कृष्णप्रसाद पौडेलले कुल सङ्क्रमित छ लाख एक हजार ६९३ पुगेको बताएका छन।
आइतबार प्रति एकसयको परीक्षण गर्दा २८.९ मा सङ्क्रमणको पुष्टि भएको हो । मन्त्रालयका अनुसार चौबीस घण्टामा तीन हजार २६२ को एन्टीजेन परीक्षण गरिएकोमा ४५५ मा पोजेटिभ पाइएको छ ।
हाल ७३१ क्वारेन्टिनमा छन् । मन्त्रालयले आइतबार चौबीस घण्टामा छ हजार ६३६ कोरोनामुक्त भएको जनाएको छ । हालसम्म चार लाख ९१ ह्जार नौ कोरोनामुक्त भएका हुन् । सोही अबधिमा ९९ सङ्क्रमितको मृत्यु भएको छ । नेपालमा कोरोना सङ्क्रमणबाट हालसम्म सात हजार ८९८ को मृत्यु दत्र्ता गरिएको छ ।
