बिहिवार, कार्तिक २० गते २०८३
बिहिवार, कार्तिक २० गते २०८३
आइतवार , जेठ ९, २०७८
नेपालगन्ज, जेठ । बाँकेमा कोरोना संक्रमणका कारण थप ८ को मृत्यु भएको छ । भेरी अस्पतालमा ५ र नेपालगन्ज मेडिकल कलेज कोहलपुरमा ३ को मृत्यु भएको हो । मृत्यु हुने सबै बाँके बाहिरका हुन् ।
कैलालीका ४ दाङका २ तथा बर्दिया र सल्यानका १–१ हुन् । जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत बबई २ दाङका ९२ वर्षीय पुरुष, ठाकुरबाबा ७ बर्दियाका ३८ वर्षीय पुरुष, टिकापुर १ कैलालीका ६० वर्षीय पुरुष, टिकापुर ७ कैलालीका ३५ वर्षीय पुरुष र तुलसीपुर १ दाङकी ४५ वर्षीया महिलाको कोरोनाबाट मृत्यु भएको छ ।
त्यस्तै नेपालगन्ज मेडिकल कलेज कोहलपुरमा उपचाररत लम्कीचुहा ६ कैलालीकी ३३ वर्षीया महिला, जानकी ९ कैलालीकी ७५ वर्षीया महिला र शारदा १ सल्यानका ५० वर्षीय पुरुषको मृत्यु भएको छ । योसँगै कोरोनाबाट बाँकेका २७३ को मृत्यु भएको छ भने बाहिरी जिल्लाका २४० को मृत्यु भएको छ ।
