आइतवार, आश्विन ४ गते २०८३
आइतवार, आश्विन ४ गते २०८३
' कांग्रेसका साथीलाई नि मुद्दा चलाइयो, कसैले होहल्ला गरेनन्' : देउवा
आइतवार , कार्तिक २५, २०८१
धनगढी, कात्तिक । नेपाली कांग्रेस सभापति शेरबहादुर देउवाले वर्तमान गठबन्धन सरकारमा कुनै समस्या नभएको बताएका छन् ।
सुदूरपश्चिमको भ्रमणको सिलसिलामा आइतबार धनगढी विमानस्थलमा सञ्चारकर्मीहरूसँग कुराकानी गर्दै पूर्वप्रधानमन्त्री देउवाले यस्तो बताएका हुन ।
सभापति देउवाले भने, सहकारी प्रकरणलाई लिएर रवि लामिछाने विरुद्धको अदालतमा विचाराधीन मुद्दाका सम्बन्धमा सम्बन्धित पक्षले अदालतमाथि विश्वास गर्नुपर्ने बताए ।
' हाम्रा साथीहरूलाई पनि मुद्दा चलाइएको छ, देउवाले भने, ' तर हामीले कहिल्यै हो हल्ला गरेनौं, अदालतको कानुनी प्रक्रियामाथि विश्वास गरेका छौँ ।' सभापति देउवाले यो सरकार २०८४ सम्मै टिक्ने बताए ।
पूर्वप्रधानमन्त्री देउवा करिब १ साता सुदूरपश्चिम प्रदेशका विभिन्न जिल्लाको भ्रमणमा रहने उनका स्वकीय सचिव भानु देउवाले जानकारी दिए ।
गृह जिल्ला डडेलधुरालगायत कैलाली र कञ्चनपुरमा सञ्चालित विकास निर्माण आयोजनाको स्थलगत निरीक्षण तथा पार्टी कार्यकर्ताहरूसँग भेटघाट गर्ने कार्यक्रम रहेको रहेको छ ।
