शुक्रवार , २०७६ फाल्गुण  ९ ( Friday , 2020 Feb 21 )

images

दिलिपको हत्या गरेको आरोपमा पक्राउ परेका तीनजना कारागार चलान

  • डेमो खबर

  • प्रकाशित: शुक्रवार , २०७६ फाल्गुण  २

काठमाडौं, फागुन । अवैद्य रुपमा भइरहेको नदीजन्द पदार्थको उत्खनन रोक्न गएका युवकको हत्या गरेको आरोपमा पक्राउ परेका मध्ये तीनजना पूर्पक्षका लागि कारागार चलान भएका छन् ।

धनुषाको मिथिला नगरपालिका वडा नं. ५ का २४ वर्षीय दिलिप भनिने ओमप्रकाश महतोको हत्या गरेको आरोपमा पक्राउ परेका तीन जना पूर्पक्षका लागि कारागार चलान भएका हुन भने तीन जना धरौटीमा छुटेका छन् ।


ADVERTISEMENT

images

क्रसर सञ्चालक बिपिन कुमार महतो, टिपर चालक मुनिन्द्र महतो र लोडर चालक जितेन्द्र कुमार महतोलाई जिल्ला अदालत धनुषाका न्यायाधीश केशव प्रसाद घिमिरेको इजलासले पूर्पक्षका लागि कारागार चलान गर्न आदेश गरेको हो । त्यस्तै दिलिपका साथी रोशन यादव, सत्यनारायण महतो र सत्रुधन महतो २५/२५ हजार रुपैयाँ धरौटी राखेर तारेखमा रिहा भएका छन् ।

गत पुस २५ गते मिथिला नगरपालिका वडा नं. ५ श्रीपुरका २४ वर्षीय दिलिपले अवैध उत्खन्न भइरहेको खबर पाएपछि आफ्नो गाउँकै छेउमा रहेको औरही खोलामा अवैध उत्खनन् रोक्न जाँदा पहिला फलामको लिभरले दाहिने कोखामा हानी घाइते बनाई टिपरले किचेर हत्या गरिएको थियो ।

फेसबुकबाट तपाईको प्रतिक्रिया