शनिवार , २०७६ फाल्गुण  १० ( Saturday , 2020 Feb 22 )

images

ए डिभिजन लिगमा आज ३ खेल हुँदै

  • डेमो खबर

  • प्रकाशित: शुक्रवार , २०७६ फाल्गुण  २

काठमाडौं, फागुन । शहीद स्मारक ए डिभिजन लिगमा आज (शुक्रबार) तीन खेल हुँदैछन् । तीनै खेल सातदोबाटोस्थित एन्फा कम्प्लेक्समा हुनेछ ।

पहिलो खेलमा हिमालयन शेर्पा क्लब र न्युरोड टिम एनआरटी, दोस्रो खेलमा थ्री स्टार क्लब र च्यासल युथ क्लब र अन्तिम खेलमा जावलाखेल युथ र साविकको विजेता मनाङ मस्याङ्दी क्लबबीच प्रतिस्पर्धा हुनेछ ।


ADVERTISEMENT

images

शेर्पा र एनआरटी बीचको पहिलो खेल बिहान पौने ९ बजे शुरु हुनेछ । शीर्ष ६ को दौडबाट बाहिरिसकेका दुबै टिमबीच प्रतिष्ठाको लडाई हुनेछ । एनआरटी लिगको पाँचौ जीतको खोजीमा हुनेछ । शेर्पा तेस्रो जीत निकाल्न चाहन्छ ।

दोस्रो खेल मध्यान १२ बजे शुरु हुनेछ । च्यासलविरुद्ध जीत निकाल्दै थ्री स्टार शीर्ष तीनमा पर्न चाहन्छ । तर उसलाई जीतले मात्रै पुग्दैन ।

तेस्रो खेलमा मनाङ भने जावलाखेलसँग पराजीत हुनुपर्नेछ । च्यासलसँग थ्री स्टारको जीत र जावलाखेलसँग मनाङले हारको समीकरणले मात्र थ्री स्टार तेस्रो स्थानमा पुग्नेछ ।

आज च्यासल पाँचौ जीतको खोजीमा हुनेछ । च्यासलले आफ्ना तीन विदेशी खेलाडी मैदान उतार्ने छ भने थ्री स्टारले ४ विदेशी खेलाडीलाई प्रयोग गर्न पाउनेछ ।

यस्तै तेस्रो खेलमा जावलाखेल र साविकको विजेता मनाङ मस्र्याङ्दी क्लब भिड्दैछन् । खेल दिउँसो साढे ३ बजे एन्फा मैदानमा शुरु हुनेछ ।

जावलाखेल र मनाङ दुबैले सुपर सिक्समा स्थान पक्का गरिसकेका छन् । मनाङ भने आज तेस्रो स्थानको लागि भिड्दैछ । तेस्रो स्थानमा रहेर लिगको अन्त्य गर्न मनाङलाई जीतको विकल्प छैन ।

दिनको दोस्रो खेलमा थ्री स्टारले जीत निकाले मनाङलाई जीत्नैपर्ने दबाब छ । थ्री स्टारको बराबरी तथा हारले मनाङलाई स्वत फाईदा पुग्नेछ ।

फेसबुकबाट तपाईको प्रतिक्रिया