शनिवार , २०७६ फाल्गुण  १० ( Saturday , 2020 Feb 22 )

images

मुम्बई आक्रमणका मुख्य योजनाकार सइदलाई पाकिस्तानी अदालतद्वारा ११ बर्ष कैद

  • डेमो खबर

  • प्रकाशित: बिहिवार , २०७६ फाल्गुण  १

काठमाडौं, फागुन ।  पाकिस्तानको प्रतिआतंकबाद अदालतले इस्लामिक नेता हाफिज सइदले आतंकबादी गतिविधिमा आर्थिक सहयोग पुर्‍याएको ठहर गर्दै एघार बर्षको काराबास सजाय सुनाएको छ ।

सइदको मुख्य योजनामा सन् २००८मा मुम्बइमा श्रृंखलावद्ध आक्रमण गराइएको अमेरिका र भारतले दाबी गर्दै आएका छन् ।


ADVERTISEMENT

images

आक्रमणमा १ सय ६० जनाको ज्यान गएको थियो । अमेरिकाले उनको टाउकाको मोल १ करोड डलर तोकेको छ । सइदले आक्रमणमा आफ्नो संलग्नता अस्वीकार गर्र्दै आएका छन् ।

आक्रमणपछि भारत र अमेरिकाले सइदलाई आफुहरुसमक्ष बुझाउन पाकिस्तानलाई आग्रह गर्दै आएका छन् ।

पाकिस्तान सरकारले गत मार्चमा सइदको परोपकारी संस्था जमात–उद–जवा र अन्य संगठनमाथि प्रतिबन्ध लगाएको थियो ।

प्रतिबन्धि संगठनहरुलाई आर्थिक सहयोग मागेको आरोपमा सइदमाथि गत डिसेम्बरमा मुद्दा लगाइएको थियो ।

पाकिस्तानी अदालतका अनुसार सइदलाई प्रतिआतंकबाद ऐनअनुसार प्रतिबन्धित संस्थाको सदस्यता लिइएको, समर्थन गरेको र बैठक गरेको ठहर गर्दै सजाए सुनाइएको हो ।

सइदले भारत प्रशासित कास्मीरको स्वतन्त्रताका लागि पाकिस्तानी नागरिकलाई आफुले सँधै साथ दिने बताउने गरेका छन् ।

सइदले सन् १९९० को दशकमा लस्कर–ए–तोएबा नामक उग्रबादी समूह गठन गरेका थिए ।

त्यसविरुद्ध प्रतिबन्ध लगाइपछि उनले सन् २००२ मा पूरानो संगठन जमात–उद–दाबाको पुर्नगठन गरे ।

फेसबुकबाट तपाईको प्रतिक्रिया