शुक्रवार , २०७६ फाल्गुण  ९ ( Friday , 2020 Feb 21 )

images

संविधानको मर्मअनुरुप नै मिडियासम्बन्धी कानून आउँछ : प्रधानमन्त्री ओली

आशङ्का र द्विविधा राख्नुपर्ने आवश्यकता छैन्

  • डेमाेखबर

  • प्रकाशित: शनिवार , २०७६ माघ  १८

काठमाडौं, माघ । प्रधानमन्त्री केपी शर्मा ओलीले संविधान, कानून, निष्ठा एवं आदर्शअनुरुप नै सञ्चारसम्बन्धी ऐन/कानून बनाउने बताएका छन् ।

नेपाल टेलिभिजनको इटहरी प्रसारण केन्द्रको आज भिडियो कन्फेरेन्समार्फत उद्घाटन गर्दै प्रधानमन्त्री ओलीले नागरिक समाज र मिडिया क्षेत्रका हरेक जायज सरोकार र मागहरुलाई जनताको सरकार भएको हैसियतमा वर्तमान सरकारले गम्भीरतापूर्वक सुन्ने, ग्रहण गर्ने र सम्बोधन गरेर अघि बढ्ने विश्वास दिलाउँदै त्यसमा कुनै प्रकारको आशङ्का र द्विविधा राख्नुपर्ने आवश्यकता नभएको पनि प्रस्ट पारे ।


ADVERTISEMENT

images

प्रधानमन्त्री ओलीले सरकार सुशासन र विकासको बाटोमा तीव्र गतिमा अग्रसर भइरहेको बताए । उनले भने, ‘देश सुशासन र विकासको बाटोमा तीव्र गतिमा अग्रसर भइरहेको अवस्थामा जनताको मनोबल बढाएर हाम्रो देश हामी बनाउन सक्छौँ, विकास गर्न सक्छौँ भन्नुपर्ने समय आएको छ । यस्तो बेलामा जनतामा नकारात्मक कुरा मात्रै पस्किने अथवा निराशातर्फ जनतालाई धकेल्ने खालका कुरा होइन, आशावादिता र आत्मविश्वास जगाउने काम गर्न जरुरी छ ।’

प्रधानमन्त्रीले समृद्ध नेपाल, सुखी नेपालीको राष्ट्रिय आकाङ्क्षा हासिल गर्न देशमा पछिल्लो समय विकास र समृद्धिको लक्ष्यका साथ धेरै राम्रा कामहरु भइरहेको बताए । उनले, ‘अभूतपूर्व विकासलाई आमसञ्चारका माध्यमले अझै राम्ररी जनतासमक्ष पुर्‍याउन जरुरी छ । हामीले त्यो काम अझै राम्ररी सम्पन्न गर्न सकेका छैनौँ ।’

फेसबुकबाट तपाईको प्रतिक्रिया