• शनिबार ८-१-२०७५/Saturday 11-17-2018

"शून्य र विशेष समयपछि चिकित्सा विधेयक सूचिबाट हट्यो "

आइतबारको बैठकमा पेश हुने संभावना


काठमाडौं, असार । विहिबारको संसदमा सरकारले चिकित्सा शिक्षा विधेयक पेश गर्ने भनेर विहिबारको बैठकको कार्यसूचिमा राखे पनि अन्तिम समयमा हटाईएको छ । 
बैठकमा विषय प्रवेश हुने समयमा सभामुख कृष्णबहादुर महराले हटाएका हुन् । संसद्को शून्य र विशेष समय सकिएपछि मात्रै सभामुख महराले कार्यसूचिमा रहेको २ देखि ४ सम्मका कार्यक्रम हटाइएको जानकारी दिएका थिए । 
कार्यसूचिको २ नम्बरमा चिकित्सा शिक्षा विधेयक पेश गर्ने सरकारको निर्णयमाथि नेपाली कांग्रेसका तर्फबाट गगन थापाले दर्ता गराएको विरोधको सूचना राखिएको थियो । 
विरोधको त्यो सूचनामा निर्णयार्थ पेश गरेपछि मात्रै तेस्रो नम्बरमा शिक्षामन्त्री गिरिराजमणी पोखरेलले चिकित्सा शिक्षा विधेयक टेवल गर्ने उल्लेख थियो । 
१७ असारको बैठक अवरुद्ध गरेको कांग्रेसले त्यो विधेयक पेश गरे मान्य नहुने  चेतावनी पहिले नै दिएको थियो ।  यसअघि सरकारले जारी गरेको अध्यादेश अनुसार विधेयक ल्याउनुपर्ने काँग्रेसको माग छ । 
जुम्लामा अनसनरत डा. गोविन्द केसीले समेत अध्यादेशमा उल्लेख भएको कुरा हुबहु विधेयकमा आउनुपर्ने भनिरहेका छन् ।
अब प्रतिनिधिसभाको अर्को बैठक आइतबार बस्नेछ। सरकारले विहिबार पेश गर्ने भनेको विधेयक अब आइतबार पेश गर्ने बताइएको छ । 

प्रतिकृया दिनुहोस

प्रधानमन्त्री झन कठोर,  निर्णयमा गुपचप

काठमाडौं– प्रधानमन्त्री केपी ओलीले मन्त्रिपरिषद्का निर्णय सार्वजनिक नगर्न मन्त्रीहरुलाई पुनः सचेत गराएका छन् । गत आइतबारको मन्त्रिपरिषद्

विघटनको संघारमा नेविसंघ

काठमाडौं — माउ पार्टी नेपाली कांग्रेसका शीर्ष नेताहरुको गुटगत स्वार्थका कारण नेपाल विद्यार्थी संघको १२ औँ महाधिवेशन अन्योलमा परेको छ । पार्टी

दुईतिहाइको दुरुपयोग, योग्यता नै नपुगेकी अन्जान इजरायलको राजदूतमा सिफारिस

काठमाडौं– प्रधानमन्त्री केपी शर्मा ओलीले दुईतिहाइ बहुमतको दुरुपयोग गर्दै योग्यता नै नपुगेकी अन्जान शाक्यलाई इजरायलको राजदूतमा सिफारिस गर्नुभएको