• शनिबार ११-४-२०७५/Saturday 02-16-2019

बेल्जियमलार्इ हराउँदै फ्रान्स फाइनल प्रवेश

काठमाडौ । रूसमा जारी विश्वकप फुटबल अन्र्तगत अन्तिम गएराति भएको खेलमा जित हात पार्दै फ्रान्स फाइनलमा प्रवेश गरेको छ । पहिलो सेमिफाइन खेलमा बेल्जियमलाई १–० गोल अन्तरले पराजित गर्दै फ्रान्स उपाधि नजिक पुगेको हो । 

 

फ्रान्सको जितमा सामुएल उम्टीटी नायक बने । उनकै निर्णायक गोलमा फ्रान्सले बेल्जियमलाई १–० गोलले पराजित गर्न सफल भएको हो । सेन्ट पिटसवर्ग रंगशालामा करिब ६० हजार दर्शकमाझ भएको पहिलो सेमिफाइनल भिडन्तमा खेलको ५१ औँ मिनेटमा गरेको गोल नै फ्रान्सलाई उपाधि नजिक पुर्याउन पर्याप्त भयो । पहिलो हाफ गोलरहित बराबरी खेलेपछि दोस्रो हाफमा फ्रान्सलाई जिताउने क्रममा खेलको ५१ औँ मिनेटमा कर्णर बललाई सदुपयोग गर्दै स्यामुएल युमिटीले जाली चुमाएका थिए ।

 

एन्टोइन ग्रिजमनले दिएको कर्णर बललाई हेडरमार्फत युमिटीले जाली चुमाएपछि फ्रान्स १–० ले विजयी हुँदै विश्वकपको फाइनलमा प्रवेश गरेको हो । पहिलो हाफ गोलरहित बराबरीमा सकिएको अवस्थामा २००६ यता पहिलो पटक सेमिफाइलनमा पुगेको फ्रान्सलाई फाइनलमा पुर्याउन त्यही गोल नै पर्याप्त भयो । 

 

पहिलो हाफमा बेल्जियमले खेलमा दबाब राखे पनि दुवैतर्फबाट भएका गोल प्रयास सफल हुन नसक्दा पहिलो हाफ गोलरहित बराबरीमा सकिएको थियो । यस जीतका साथ फ्रान्सले तेस्रो पटक विश्व कपको फाइनलमा स्थान बनायो । सन् १९९८ र सन् २००६ मा उसले फाइनल खेलिसकेको छ । सन् १९९८ मा विजेता बनेको फ्रान्स सन् २००६ मा इटालीसँग पराजित भएको थियो । 

 

विश्वकपको फाइनलमा प्रवेश गरेसँगै फ्रान्स अब उपाधि उचाल्नबाट एक कदम पछि मात्रै छ । यता फ्रान्ससँग पराजित भएसँगै बेल्जियमले भने पहिलो पटक फाइनलमा पुग्ने अवसर गुमाएको छ । अब फ्रान्सले उपाधिका लागि आज राति हुने इङ्ल्यान्ड र क्रोएसियाबीचको दोस्रो सेमिफाइनलको विजेतासँग जुलाई १५ मा मस्कोमा भिडन्त गर्नेछ । 

प्रतिकृया दिनुहोस

ओलम्पिक छनोट : नेपालले भारत र म्यानमार फेरि खेल्ने

काठमाडौं । सन् २०२० मा जापानमा हुने ओलम्पिक खेलकुदअन्तर्गत महिला फुटबलको छनोटको दोस्रो चरणमा नेपालले पुरानै प्रतिद्वन्द्वीसँग प्रतिस्पर्धा गर्ने

इरानलाई हराउँदै नेपाल फाइनल नजिक

काठमाडौं । भारतमा जारी हिरो महिला गोल्डकपअन्तर्गत समूह चरणको अन्तिम खेलमा इरानलाई हराउँदै नेपाल फाइनल नजिक पुगेको छ। नेपालले बुधबार भारतको

आफ्नै मैदानमा स्तब्ध म्यानचेस्टर युनाइटेड, नेइमार र काभानी बिनै पिएसजीको शानदार जित

 काठमाडौँ । दुई स्टार खेलाडी बिहीन पेरिस सेन्ट–जर्मेन (पिएसजी) ले पछिल्लो समय उत्कृष्ट लयमा रहेको र स्टार खेलाडीले युक्त म्यानचेस्टर