• सोमबार ६-८-२०७५/Monday 09-24-2018

प्रदेश नं. ४ : तीन विधेयक पारित

मुस्ताङ दुर्घटनामा परेकालाइ क्षतिपूर्तिको माग


पोखरा, असार । आइतबार बसेको गण्डकी प्रदेशको प्रदेशसभा बैठकले तीनवटा विधेयक पारित गरेको छ ।  आजको बैठकले आर्थिक मामिला तथा योजनामन्त्री किरण गुरुङले प्रस्तुत गर्नुभएको ‘प्रदेश आकस्मिक कोषसम्बन्धी प्रस्तावलाई कार्यान्वयन गर्न बनेको विधेयक’ र भौतिक पूर्वाधार विकासमन्त्री रामशरण बस्नेतले प्रस्तुत गर्नुभएको ‘स्थानीय तहको कानून निर्माण प्रक्रियाका सम्बन्धमा व्यवस्था गर्न बनेको विधेयक’ सर्वसम्मत रुपमा पारित गरेको हो । 
त्यस्तै बैठकले सामाजिक विकासमन्त्री नरदेवी पुनले प्रस्तुत गर्नुभएको ‘खोप सेवा सञ्चालन तथा व्यवस्थापन सम्बन्धमा व्यवस्था गर्न बनेको विधेयक’ पनि पारित भएको छ । 
बैठकको विशेष समयमा बोल्दै सदस्यहरुले मुस्ताङमा भएको टिपर दुर्घटनामा परी मृत्यु हुनेका परिवारलाई उचित क्षतिपूर्ति र घाइतेलाई उपचारको व्यवस्था गर्न माग गरे । 
प्रदेशसभा सदस्य मायानाथ अधिकारीले मस्ताङको टिपर दुर्घटनाका मृतकका परिवारलाई तत्कालीन राहत एवं घाइतेको प्रभावकारी उपचारका लागि सरकारको ध्यानाकर्षण गराए । 
प्रदेशसभा सदस्य एवं नेपाली काँग्रेसका संसदीय दलका नेता कृष्णचन्द्र नेपालीले फेवातालको अतिक्रमण रोक्न बनाइएको समितिमा अतिक्रमण गर्ने व्यक्तिलाई राख्दा त्यसको प्रभावकारिता नरहने भन्दै त्यसमा ध्यानाकर्षण गराए। 
प्रदेशसभा सदस्य आशा कोइरालाले तनहुँमा हालै रुखले किचेर एकै परिवारका तीन दिदीबहिनीमध्ये एकको मृत्यु र दुई गम्भीर घाइते भएको जानकारी गराउँदै पीडित परिवारलाई उचित राहत एवं उपचारको व्यवस्था गर्न माग गरे । 
विशेष समयमा प्रदेशसभा सदस्य कृष्ण बहादुर थापा, राजीव पहारी, दीपक थापा, मेखलाल श्रेष्ठ, भागवत प्रकाश मल्ल, हरिशरण आचार्यले विभिन्न स्थानमा जनताले भोग्नु परेका समस्याका बारेमा प्रदेश सरकारको ध्यानाकर्षण गराए । 
प्रदेशसभाको अर्को बैठक आगामी साउन ३ गते अपराह्न १ बजे बस्नेछ । 
 

प्रतिकृया दिनुहोस

कर्मचारीले काम पाएनन्

अछाम – काठमाडौं संघीयता कार्यान्वयनका क्रममा जिल्ला तहमा रहेका कतिपय कार्यालय खारेज भएर स्थानीय तहमा हस्तान्तरण भएपछि कर्मचारीलाई कहाँ र कुन

प्रदेश ५ : सरकार मातहत रहने गरी कार्यालय स्थापना

नेपालगञ्ज, भदौ । बाँके र बर्दियालाई कार्य क्षेत्र बनाएर नेपालगञ्जमा कृषि ज्ञानकेन्द्र, भेटेनरी अस्पताल तथा पशुसेवा विज्ञ केन्द्र स्थापना गरिएको छ

"संविधान कार्यान्वयन र मुलुकको समृद्धिका लागि प्रदेश बलियो बन्नुपर्छ"

पोखरा, भदौ । प्रदेशका मुख्य मन्त्रीहरूको  पोखरामा बसेको भेलाले सङ्घीय संविधानको पूर्णरुपमा कार्यान्वयन गर्दै मुलुकको समृद्धिका लागि प्रदेशहरू