• आज : Wednesday 17 January 2018
    3:01:51 NST

कक्षा ११ को रिजल्ट आयो

 
काठमाडौं, २९ पुस । राष्ट्रिय परीक्षा बोर्डले कक्षा ११ को नियमिततर्फको परीक्षाफल प्रकाशित गरेको छ । शनिबार साँझ सूचना जारी गर्दै बोर्डले परीक्षाफल प्रकाशन भएको जानकारी दिएको हो ।११ कक्षाका परीक्षाफल ग्रेडिङ प्रणालीमा सार्वजनिक भएको हो । बोर्डले असार १ गतेदेखि परीक्षा सञ्चालन गरेको थियो ।
परीक्षामा ३ लाख ४७ हजार ७४८ विद्यार्थी सहभागी भएकामा ७४ जनाको परीक्षा रद्द भएको छ । १ जनाको परीक्षाफल रोकिएको छ । बोर्डले परीक्षाफल जततउस्ररलभद।लतअ।लभत।लउ मा हेर्न सकिने जनाएको छ ।
परीक्षार्थीले कुनै एक विषयमा डी प्लस प्राप्त गरेका र कुनै एक विषयको परीक्षामा अनुपस्थित रहेका विद्यार्थीका लागि भने पुनः परीक्षा दिन पाउने बोर्डले व्यवस्था गरेको छ ।
बोर्डले त्यस्ता विद्यार्थीका लागि आगामी माघ २७ गते एक दिन परीक्षा सञ्चालन गर्ने भएको परीक्षा नियन्त्रक बतासले जानकारी दिए । एकभन्दा बढी विषयमा डी प्लसभन्दा कम छ भने त्यस्ता विद्यार्थीले अर्को सालमात्रै परीक्षा दिन पाउनेछन् । ग्रेडिङ प्रणाली लागू भएसँगै विद्यार्थीले विषयगतरुपमा नतिजा पाउने छन् ।
स्थानीय तहको निर्वाचनको कारण देखाउँदै पटकपटक मिति सार्दै असार १ गतेदेखि सञ्चालन भएको कक्षा ११ को परीक्षा नतिजा पनि प्रतिनिधि तथा प्रदेशसभा निर्वाचनको कारण देखाउँदै बोर्डले सात महिनापछि नतिजा सार्वजनिक गरेको हो ।

Comment

Related News