• आज : Wednesday 17 January 2018
    3:01:35 NST

शीतलहर प्रभावितलाइ उपेन्द्र यादवले कम्बल बाँडे : आफै पुगे दलित बस्ती

 
 
सप्तरी, २९ पुस ।  चिसोले कठयाग्रिएको सप्तरीको दलित बस्तीमा  पुगेर संघीय समाजवादी फोरम नेपालका अध्यक्ष उपेन्द्र यादवले  कम्बल बितरण गरेका छन । शीतलहर प्रभावित क्षेत्रमध्ये दलित बस्तीका स्थानीयको अवस्था अत्यन्तै नाजुक देखेपछि यादवले विपन्न परिवारलाई जाडो छेक्न कम्बल वितरण गरेका हुन् ।
सप्तरी क्षेत्र नम्बर २ बाट प्रतिनिधिसभा सदस्य निर्वाचित भएका अध्यक्ष यादवले शनिबार छिन्नमस्ता गाउँपालिकाको लोखरम टोलको दलित बस्ती पुगेर एक सय २६ थान कम्बल बाडे । सप्तरी यादवको जन्मभूमि हो ।  
पुस महिनाको कठ्यांग्रिदो जाडोमा न्यानो कम्बलको व्यवस्थापनले दलित बस्तीका विपन्न जनतालाई ठूलो राहत पुगेको छ । कम्बल वितरण कार्यक्रममा फोरम नेपालका अध्यक्ष यादवले पार्टी पंक्ति र कार्यकर्तालाई शीतलहर प्रभावित क्षेत्रमा न्यानो लत्ता कपडा, दाउरा र राहतको व्यवस्था गर्न निर्देशन दिएका छन् ।
मधेशका जिल्लाहरुमा शीतलहरको प्रभावले जनजीवन निकै कष्टकर बनेको छ । सप्तरीमा मात्रै जाडोले कठ्यांग्रिएर १५ बढीको मृत्यु भइसकेको छ ।
सप्तरी क्षेत्र नम्बर २ ख बाट प्रदेश सभामा निर्वाचित सांसद शैलेन्द्र साह, फोरम नेपाल सप्तरीका अध्यक्ष दिनेशकुमार यादवलगायत कम्बल वितरण कार्यक्रममा सहभागि भए ।

Comment

Related News