• मंगलबार ५-५-२०७५/Tuesday 08-21-2018

स्वच्छ वातावरण : अभियानको शुरुवात गरे सभामुखले

स्वच्छ वातावरण : अभियानको शुरुवात गरे सभामुखले

काठमाडौं, १६ जेठ । सभामुख कृष्णबहादुर महराले स्वच्छ वातावरण महाअभियान २०७५ को शुभारम्भ गर्नुभएको छ । विश्व वातावरण दिवसको सन्दर्भ पारेर वन तथा वातावरण मन्त्रालयको पहलमा आजदेखि शुरुभएको स्वच्छ वातावरण महाअभियानको सभामुख महराले उद्घाटन गरे । काठमाडौंस्थित शंखपार्कको सडकमा झाडु लगाउँदै सभामुख महराले स्वच्छ वातावरण महाअभियानको शुभारम्भ गरेका हुन ।
सडक सफा गर्नुअघि आयोजित उद्घाटन कार्यक्रमलाई सम्बोधन गर्नुहुँदै सभामुख महराले स्वच्छ वातावरण निर्माणका लागि आफैबाट सरसफाइको शुरुवात गर्नुपर्ने बताए । 
‘सरसफाइ आफूबाटै शुरु गरौं, एक–एक इकाईबाट समूह बन्छ र त्यसले संस्थागत रुप लिन्छ, उनले भने, ‘सबै सरसफाइमा लागेपछि गाउँ, सहर र देश सबैतिर सफा हुन्छ र स्वच्छ वातावरण निर्माणको हाम्रो महाअभियान सफल बन्छ ।’
नीति, योजना निर्माण गर्ने तर कार्यान्वयन गर्ने दायित्वबोधबाट पन्छिने हो भने कहिल्यै पनि लक्ष्यमा पुग्न नसकिने भन्दै सभामुख महराले योजना जस्तै कार्यान्वयनमा लागेर अभियान सफल बनाउन आयोजकलाई आग्रह गरे ।
सरसफाइ आम नागरिकको स्वास्थ्य, इज्जत, स्वस्थ र सबल जनशक्ति निर्माणसँग जोडिएको भन्दै उहाँले वातावरण दिवसकै दिनदेखि शुरुभएको अभियानले स्वच्छ देश निर्माणको यात्रालाई सफल बनाउने विश्वास व्यक्त गरे ।
सरसफाइ कार्यक्रम अन्तर्गत शंखपार्कबाट सडक छेउछाऊको फोहर उठाउँदै शुरु भएको सरसफाइ कार्यक्रम विशालनगर चोक हुँदै धुम्बाराही, पीपलबोटबाट पुनः शंखपार्कमा पुगेर समापन गरिएको थियो । सरसफाइ कार्यक्रममा सभामुख महराका साथै वन तथा वातावरण मन्त्री शक्तिबहादुर बस्नेत, मन्त्रालयका सचिव, कर्मचारी, सुरक्षाकर्मी र उल्लेख्य सर्वसाधारणको उपस्थिति रहेको थियो ।

प्रतिकृया दिनुहोस

माटाका भाँडा : नेपालीको हेला, विदेशीको चासो !

काठमाडाैं । नाम लिली, उमेर २६ । अघिल्तिर फनफनी घुमिरहेको चक्रबाट उनले सानो माटोको पाला बनाइन् । अनि मुसुक्क हाँसिन् ।  भूगोलमा सानो तर सम्पदा र

१० विद्यार्थीलाई २० लाखको छात्रवृत्ति

झापा । झापाको हल्दिबारी गाउँपालिकाले १० विद्यार्थीलाई रु २० लाखको छात्रवृत्ति प्रदान गरेको छ ।  पशु विज्ञान सम्बन्धी अध्ययनका लागि विद्यार्थीलाई

‘प्रकाण्ड’लाई अदालत उपस्थित गराउन आदेश

काठमाडाैं । सर्वोच्च अदालतले व्यापारीसँग चन्दा असुलेको आरोपमा पक्राउ परेका नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका