• आज : Wednesday 17 January 2018
    10:34:29 NST

गीत मेरो मनको जुन

दीपक कथित
 
मेरो मनको जुनसँग, मौनतामा बात भयो
उनीलाई या म आफैलाई अन्तर्घात भयो ।
 
एउटा आँखा सडक वारी, अर्को सडक पारी
नजाऊँ भन्थेँ कहिल्यै पनि, उनको साथ छाडी
मेरो मनको जुनसँग, मौनतामा बात भयो
उनीलाई या म आफैलाई अन्तर्घात भयो ।
 
आँखा छाडेँ सडकमै, अँधेरीमा पाइला चालेँ
नदेखेर आफ्नै बाटो, मनको बत्ती पनि बालेँ
मेरो मन भिजाउने, त्यही कालो रात भयो
मेरो मनको जुनसँग, मौनतामा बात भयो
उनीलाई या म आफैलाई अन्तर्घात भयो ।

Comment