• सोमबार १०-७-२०७५/Monday 01-21-2019

सत्याग्रहमा समर्थन बढ्दै : डा केसीको स्वास्थ्य बिग्रदै

चिकित्सा शिक्षा सुधारसहित ६ बुँदे माग

 

इलाम । चिकित्सा शिक्षा सुधारसहित ६ बुँदे माग राख्दै गत बुधबारदेखि इलाममा आमरण अनसनरत सत्याग्रही प्राडा गोविन्द केसीको सत्याग्रहप्रति समर्थन बढ्दै गएको छ । इमालमा विभिन्न समूहले ऐक्यवद्धता जनाउँदै नारा, जुलुससंगै प्रदर्शन गरेका छन् । 

बिहीबार महिलाहरुले ऐक्यवद्धता जनाउँदै जुलुस निकालेका थिए । अन्य क्षेत्रबाट पनि समर्थन बढ्दो छ । सामाजिक संजालमा पनि डा केसीको समर्थन गर्दै सरकारप्रति आक्रोश पोखिएको छ । 

१५ औं चरणसम्म पनि विभिन्न दल तथा नेताहरुको नेतृत्वको सरकारले आश्वासन दिएर अनसन फिर्ता गराए पनि सम्झौता पालना गरेनन् । यसअघि गत साउनमा पनि केपी शर्मा ओली नेतृत्वको सरकारले माग पूरा गर्ने लिखित प्रतिवद्धता जनाए पनि धोका दियो । 

 

डा केसीको स्वास्थ्य बिग्रिदो  :
बुधबारदेखि अनसनरत डा केसीको स्वास्थ्य तेस्रो दिन शुक्रबार नै बिग्रदै गएको छ । उनको स्वास्थ्य बिहीबार रातिदेखि बिग्रन थालेको हो । उनको रक्तचाप कम हुँदै गएको छ ।

शरीरमा पसिना आउने तथा छाती दुख्ने भएपछि इलाम जिल्ला अस्पतालको चिकित्सकहरुले उनको स्वास्थ्य परीक्षण गरेका छन् । 

चिकित्सकहरुले उनको शरीरमा चिनीको मात्रा घटेको हुनसक्ने बताएका छन् । ज्यानको पर्वाह नगरी चिकित्सा शिक्षामा सर्वसुलभता खोजेका डा केसीले सुगरको परीक्षण गर्न भने मानेका छैनन् ।

 

सरकार कति सारो बैरी ? 
केपी शर्मा ओली नेतृत्वको सरकारले भने डा केसीका ९५ प्रतिशत माग पूरा भएको भन्दै अब अनसन हैन खुसियाली मनाउने बेला आएको बताएको छ । केसीका ९५ प्रतिशत भन्दा बढी माग सम्बोधन भइसकेकाले उनको अनशनको औचित्य नभएको सरकारले जिकिर गरेको छ।

सरकारका प्रवक्तासमेत रहेका सूचना, सञ्चार तथा प्रविधिमन्त्री गोकुलप्रसाद बाँस्कोटाले सरकारका निर्णय सार्वजनिक गर्न बिहीबार आयोजित नियमित पत्रकार भेटघाट कार्यक्रममा डा केसीले उठाएका माग सम्बोधन गरिसकिएको बताएका हुन् ।

‘डा केसीले उठाएका ९५ प्रतिशतभन्दा बढी माग सम्बोधन भइसकेका छन, यसकारण अनशन होइन, उत्सव मनाउनु पर्ने हो,’ प्रवक्ता बाँस्कोटाले भने, ‘तर, कताकता बैठक राखेर नयाँ नयाँ कुरा ल्याउनुभएको छ, त्यसबारे हामीलाई जानकारी छैन ।’ 

एउटा नागरिकका मागप्रति पन्छिने काम गरेको भन्दै सरकारको आलोचना भइरहेको छ । केही राजनीतिक विश्लेषकहरुले प्रधानमन्त्रीको गिरेको साख जोगाउन पनि तत्काल इलाम गएर डा केसीका माग सम्वोधन गर्न राजी हुनुपर्नेमा जोडसमेत दिएका छन् । 
 

प्रतिकृया दिनुहोस

४० किलो चरेससहित २ भारतीय नागरिक प्रकाउ

कपिलवस्तु ।  कपिलवस्तु प्रहरीले ठुलो परिमाणमा चरेससहित २ जना भारतीय नागरिक  प्रकाउ  गरेको छ । आइतबार विहान विषेश सुराकीको आधारमा कृष्णनगर नाका

दुई थान भरुवा बन्दुकसहित १ जना पक्राउ 

काठमाडौं– जिल्ला प्रहरी कार्यालय दाङले २ थान भरुवा बन्दुकसहित एक जनालाई पक्राउ गरेको छ। शनिबार साँझ दाङको शान्तिनगर गाउँपालिका–४ जुम्लेकुलाका

सीता दाहाल अस्पताल भर्ना

काठमाडौं– नेकपा अध्यक्ष पुष्पकमल दाहाल प्रचण्ड पत्नी सीता दाहाल अस्पताल भर्ना भएकी छिन् । केही दिनयता ज्वरो र खोकीले ग्रस्त भएकी उनको स्वास्थ्यमा