• आज : Sunday 27 May 2018
    7:22:28 NST

मल्लिका शेरावतमाथि पेरिसमा हमला

 
मुम्बई, मंसिर । (एजेन्सी)– भारतीय अभिनेत्री मल्लिका शेरावतमाथि पेरिसमा हमला भएको छ । हमला अज्ञात समूहले गरेको प्रहरीले जनाएको छ ।
गत शुक्रबार घटेको घटना ढिलोगरी सार्वजनिक भएको हो । आफ्नो ब्वाईफ्रेण्डसँग फ्ल्याटमा प्रवेश गर्ने बेला मुखमा मास्क लगाएर आएका अज्ञात व्यक्तिले मल्लिकामाथि हमला गरेका थिए । उनीहरुले मल्लिकाको आँखामा स्प्रेसमेत गरेको खबर छ ।
 
राती ९ बजेको बेला मल्लिका र उनका ब्वाइफ्रेण्डमाथि टियर ग्याँसको स्प्रे गरिएको थियो । त्यसपछि केही कुरा नगरिकन नै हमलावरहरुले दुबैमाथि कुटपीट गरेको मिडियामा प्रकाशित छ ।
 
स्थानीय पत्रिकाहरुले सामान्य लुटपाट गर्न उनीहरुमाथि हमला गरिएको जनाएको छ । लुटेराहरुले मल्लिकालाई चिनेर हमला गरेको कुनै संकेत भने देखिएको छैन ।
 
यही स्थानमा यसअघि फेमस टिभी रियालिटी स्टार किम कार्दाशियांमाथि पनि हमला भएको थियो । मल्लिकाले प्रहरीमा उजुरी दिएपनि अहिलेसम्म कसैलाई पक्राउ गरिएको छैन ।

Comment

Related News