• आज : Wednesday 17 January 2018
    2:57:34 NST

१४ औं हस्तकला ब्यापार मेलाको तयारी तीब्र

काठमाडौ, ७ मंसिर । १४ औं हस्तकला ब्यापार मेला तथा १२औ हस्तकला प्रतियोगिताको तयारी अन्तिम चरणमा पुगेको छ । नेपाल हस्तकला महासंघले हस्तकला उद्यमीहरुबाट उत्पादित व्रान्डहरुको बजार बिकास तथा निर्यात प्रबद्र्धनमा समेत सहयोग पु¥याउने उद्देश्यले २०४८ साल देखि वाणिज्य मन्त्रालय, व्यापार तथा निकासी प्रर्वद्धन केन्द्रको सहयोगमा यस्तो प्रदर्शनी आयोजना गर्दै आएको छ ।
यसै क्रममा मेलाको १४ औ संस्करण यही मंसिर १० देखी १४ गते सम्म प्रर्दशनी हल भृकुटी मण्डप काठमाडौमा आयोजना हुँदैछ । महासंघले काठमाडौमा पत्रकार सम्मेलन गरी यसबारे विस्तृत जानकारी गराएको हो । बाणिज्य मन्त्रलायका सहसचिव तोयानारायण ज्ञवालीले यस्ता मेलाले क्रेता र बिक्रेता बीचको सम्बन्धलाई प्रगाढ पार्नुका साथै व्यापार विस्तारमा पनि सघाउ पु¥याउने हुँदा यस्ता मेलाको आयोजना गर्दै रहनु पर्ने बताए ।
व्यापार तथा निकासी प्रबद्र्धन केन्द्रका कार्यकारी निर्देशक ईश्वरी प्रसाद घिमिरेले हस्तकला व्यपार मेलामा पिछडिएका तथा देशका कुना काप्चामा लुकेर रहेका उत्पादनलाई उजागर गर्नु पर्नेमा जोड दिए । मेलामा ७ वटा प्याभिलियन सहित १७६ स्टल रहने जनाइएको छ । मेलामा रहने प्याभिलियनहरु मध्येबाट उत्कृष्ट हुने एक प्याभिलियन र एक स्टललाई पुरस्कृत गरिने पनि जनाइएको छ ।

Comment

Related News