• सोमबार १०-७-२०७५/Monday 01-21-2019

निर्मला हत्या प्रकरणमा निलम्बित एसपी बिष्ट भन्छन्, 'म अहिले बोल्दिनँ'

मंगलबार - साँझ सम्पर्कमा आएका निलम्बित एसपी डिल्लीराज विष्टसँगको संक्षिप्त संवाद आजको नयाँ पत्रिकामा छापिएको छ ।

 

निर्मला पन्तको बलात्कार तथा हत्यामा दोषी पत्ता लगाउनेभन्दा पनि निर्दोषलाई फसाउन तपाईंको भूमिका भयो, त्यही आरोपमा तपाईं निलम्बित पनि हुनुभयो । तपाईंको प्रतिक्रिया के छ ?

-अहिले म केही बोल्दिनँ ।

 

सुरुमा जीवन घर्तीमगर र दीपक नेगी, पछि चक्रदेव बडूजस्ता निर्दोषलाई दश–दश दिनभन्दा बढी समय थुनेर मानसिक–शारीरिक यातना दिइयो । यो दमन किन ?

-यस विषयमा सिआइबी र हाम्रो अनुसन्धान टोलीलाई सोध्नुहोस् ।

 

तपाईं जिल्लाको प्रहरी प्रमुख । तपाईंको निर्देशनविनै अनुसन्धान टोलीले ती गिरफ्तारी गरेको हो र ?

-प्रमुखको हिसाबले मेरो जिम्मेवारी हुन्छ । तर, अहिले म केही बोल्दिनँ ।

 

त्यसो भए शंकाको घेरमा रहेको घरपरिवारलाई शंकाको सुविधा दिएर निर्दोष हेमन्ती भट्टलाई पक्राउ गरी किन यातना दिनुभयो ? त्यो अबोध किशोरीलाई टाउको तल खुट्टा माथि गरेर किन कुट्न तपाईंले नै निर्देशन दिनुभएको होइन ?

-यस विषयमा सिआइबीलाई र हाम्रो अनुसन्धान टोलीलाई सोध्नुहोस्, म अहिले केही बोल्दिनँ ।

 

जिल्लावासीको सुरक्षामा खटिएको प्रमुखले उल्टै नागरिकलाई यातना दिएको विषयमा यसरी पन्छिन मिल्छ ?

-म समय आएपछि बोल्छु ।

 

हेमन्तीले हामीलाई भनेकी छिन् कि, तपाईं आफैँ अघि सरेर उनलाई जिन्दगी बर्बाद गरिदिने धम्की दिनुभयो । निर्दोष किशोरीलाई धम्क्याउँदा तपाईंको मनमा दया जागेन ?

-म यस विषयमा केही बोल्दिनँ । यो अनुसन्धानको विषय हो ।

 

तपाईं र बम परिवारको पुरानै चिनजान भएकाले उनीहरूको पक्षपोषण गर्नुभएको छ, आवतजावत पनि थियो भन्ने चर्चामा आइरहेको छ । तपाईंको प्रतिक्रिया के छ ?

-जिल्ला एउटै पर्नु संयोग होला, तर मैले निर्मला पन्तको घटनापछि मात्रै बम परिवारबारे थाहा पाएको हुँ।

 

निर्मला जहाँबाट हराइन्, त्यो बम परिवारको घर खानतलासी गर्ने, उनीहरूको बयान लिनुको साटो पक्षपोषण गर्नुभयो । त्यसैले सम्बन्धको खोजी भएको हो नि ।

-अँह कुनै सम्बन्ध छैन ।

 

प्रतिकृया दिनुहोस

"छिट्टै नै प्रदेश ३ को स्थायी राजधानी र नाममा सहमति जुट्छ" : शशीजङ्ग थापा

शशीजङ्ग थापा, भक्तपुर निर्वाचन क्षेत्र नं. २ प्रदेश क बाट निर्वाचित प्रदेशसभा सदस्य । यसअघि भक्तपुर सिरुटारबाट  २०४९ र २०५४ को दुइपटक स्थानीय

"नेपालमा नागरिक समाजको ‘मृत्यु’ भइसक्यो : एकजना सुन्दरमणिलाई पनि निकाल्लान् भन्ने पिर छ " : डा. सुरेन्द्र केसी

वर्तमान सरकारले लिएको दीर्घकालीन लक्ष्य र व्यवहारमा कतै तालमेल मिल्दैन । वर्तमान सरकार बन्नु अघिको संयुक्त चुनावी घोषणापत्रले अब पाँच वर्षपछि

निनिमोनियाबारे के प्रधानमन्त्रीको उपचार गरेका डा. दास के भन्छन त ?

  विश्व निमोनिया दिवसको सन्दर्भ पारेर हामीले त्रिवि शिक्षण अस्पतालका प्रमुख छाती रोग विशेषज्ञ डां. सन्तकुमार दाससँग कुरा गरेका छौँ । दास केही दिन