• आज : Monday 28 May 2018
    9:21:26 NST

ओली मोदी भेटवार्ता : २ प्रधानमन्त्रीबीच महत्वपूर्ण ५ समझदारी

 
 
 
काठमाडौं, २८ वैशाख । प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेटवार्ता भएको छ । नेपालको राजकीय भ्रमणमा रहेका मोदी र ओलीबीच द्वारिकाज होटलमा भेटवार्ता भएको हो । त्यसअघि दुई प्रधानमन्त्रीबीच शुक्रबार नै जनकपुरमा भेट भएको थियो ।
दुई नेताबीच वान टु वान वार्तापछि द्वीपक्षीय वार्ता पनि भएको छ । लगतै दुई प्रधानमन्त्रीले अरुण तेस्रोका शिलान्यास गर्नुका साथै सम्बोधन गरेका छन् । त्यसअघि दुई प्रधानमन्त्रीबीच शुक्रबार नै जनकपुरमा भेट भएको थियो ।

के के भए त महत्वपूर्ण ५ सहमति :

नेपाल ल्याण्डलक नरहोस्ः 

भारतीय प्रधानमन्त्री मोदीका अनुसार नेपाल ल्याण्डलक कन्ट्री नहोस्, ल्याण्डलिंक र वाटर लिंक होस् भन्ने प्रधानमन्त्री ओलीको यो भिजनलाई साकार गर्न भारतले हरसम्भव सहयोग गर्न प्रतिवद्ध छ ।

रक्सौल काठमाडौं रेल्वेको सर्वे छिट्टैः 

मोदीका अनुसार भेटमा प्रधानमन्त्री ओलीको भारत भ्रमणका क्रममा भएको सहमति र त्यसको कार्यान्वयनबारे छलफल भएको छ । केही काम भइसकेका छ भने केही छिट्टै हुनेछ । उनका अनुसार रक्सौल काठमाडौं रेल्वेको सर्वे छिट्टै हुनेछ । अघिल्लो महिना भएको ओलीको भारत भ्रमणका क्रममा रेल्वे निर्माण सहमति भएको थियो ।
 

स्वास्थ्यमा सहयोगः 

भारतले क्यान्सरको उपचारमा सहयोग गर्ने सहमति भएको छ । मोदीका अनुसार भारतले भक्तपुर क्यान्सर अस्पतालमा भावा ट्रोमा रेडियो थेरापी मेसिन छिट्टै जडान गर्नेछ ।
 

पञ्चेश्वरको डीपीआर छिट्टैः 

दुई देशका प्रधानमन्त्रीका अनुसार भेटमा पञ्चेश्वर बहुउद्देश्यीय परियोजनाको डीपीआर छिट्टै बनाउने सहमति भएको छ । यसका लागि दुई देशको टिम छलफलमा बस्ने प्रधानमन्त्री ओलीले बताए ।
ओलीसँग मिलेर आफूले ९०० मेगावाट क्षमताको अरुण तेस्रोको शिलान्यास गरेको भन्दै मोदीले उर्जा क्षेत्रमा नयाँ अध्याय जोडिएको बताए । उर्जाका अरु सहयोग परियोजनामा पनि कुराकानी भइरहेको उनले बताए ।
 

कृषि सहयोग रोडम्यापः 

दुई प्रधानमन्त्रीका अनुसार नेपाल र भारतका कृषि मन्त्रीको बैठक छिट्टै बस्नेछ । यो बैठकले कृषि सहयोग अनुसन्धान, शिक्षामा सहयोगको रोडम्याप बनाउनेछ ।  साथै ब्यापार सम्वन्धलाई अझ बलियो बनाउन ‘ट्रिटी अफ ट्रेड’लाई पुनरावलोकन गर्न पनि दुई देश सहमत भएका छन् ।

Comment

Related News