• आज : Thursday 26 April 2018
    9:08:20 NST

देउवाले भने : 'ओलीको देखावटी राष्ट्रवाद , भारत पुगेर लम्पसारवादमा परिणत'

 
हेटौंडा, ३ बैशाख ।  प्रधानमन्त्री केपी शर्मा ओलीलाई नेपाली कांग्रेसका सभापति शेरबहादुर देउवाले लम्पसारबादी नेताको  संज्ञा दिएका छन् । हेटौँडामा सोमबार  तरुण दलले गरेको ३ नम्बर प्रदेशस्तरीय प्रशिक्षण कार्यक्रममा बोल्दै सभापति देउवाले भनृ,  ओली राष्ट्रवादी नेता हुनै सक्दैनन् । 
उनले हिमाल पहाड र मधेशलाई मिलाउन नसक्ने नेता राष्ट्रवादी हुनै नसक्ने बताए । उनले ओलीको देखावटी राष्ट्रवाद भारत पुगेर लम्पसारवादमा परिणत भएको बताए । ओली नेतृत्वको सरकार देशमा आर्थिक समृद्धि र विकासतर्फ भन्दापनि अधिनायकवादको विकास गर्न उद्धत भएको उनको आरोप छ ।
उनले देशको निकासका लागि तीन तहको निर्वाचन आवश्यक रहेकाले नेपाली कांग्रेसले त्यसलाई प्राथमिकतामा राखेको भन्दै देशले निकास पाएमा आफुलाई खुशी लागेको बताए । दुई कम्प्युनिष्ट पार्टीहरु गठबन्धन बनाएर निर्वाचनमा गएकाले कांग्रेसले प्राविधिक रुपमा हारेपनि जनमतमा नहारेको देउवाको भनाई थियो । निर्वाचनमा अन्तरघात भएकाले नेपाली कांग्रेसले हारेको बताउँदै उनले अन्तरघातिको पहिचान गरी कारवाही गरिने बताए । उनले कांग्रेसलाई देशको पहिलो पार्टी बनाएरमात्रै विश्राम लिने बताए ।
नेपाल तरुण दलका केन्द्रीय अध्यक्ष जीतजंग बस्नेतको अध्यक्षतामा भएको उद्घाटन कार्यक्रममा नेपाली कांग्रेसका केन्द्रीय सदस्य डा। रामशरण महत, बालकृष्ण खाँड, प्रकाशशरण महत, महेन्द्र यादव, सुरेन्द्र पाण्डे, उदयशम्शेर राणा, लक्ष्मी परियार, रामकृष्ण यादव, ३ नम्बर प्रदेश कांग्रेस संसदीय दलका नेता ईन्द्रबहादुर बानियाँ, तरुण दलका नेताहरु, कांग्रेस मकवानपुरका निवर्तमान सभापति रघुरमण न्यौपाने, नगर सभापति आनन्दराम पराजुली, तरुण जिल्ला अध्यक्ष ईश्वर पाठक लगायतले मन्तव्य व्यक्त गरेका थिए ।
 

Comment

Related News